Waaßt es no, wia r i mit dir
Kastaniemannderl gmacht hab,
aus Zahnstocher und die
frischn glänzatn Kugeln.
Naserl und Augerln hab i eahna gschnitzt
und an lachatn Mund.
Und du hast eahna die Zahnstocherhaxen
und -händ gmacht.
Mannderln und Weiberln hamma gmacht
und a Kastanienkind
und an grinsatn Kastanienhund
mit vier Zahnstocherhaxen.
In dein Kinderzimmerkastl ham s gwohnt
und ham glebt
ihr haamliches Lebn.
Und jetzt gibt’s scho wieder
frische Kastanien
und du bist a ganzes Jahr älter.